नेपाल प्रहरीको केन्द्रीय प्रवक्तामा प्रहरी नायव महानिरीक्षक विनोद घिमिरे

नवलपुर टुडे
२०८२ जेष्ठ २२ | मध्यान्ह ०८:०२ बजे

काठमाडौं, जेठ २२ । प्रहरी नायव महानिरीक्षक विनोद घिमिरेलाई नेपाल प्रहरी प्रधान कार्यालय प्रहरी महानिरीक्षकको सचिवालयका केन्द्रीय प्रहरी प्रवक्ता तोकिएको छ।
नेपाल प्रहरीद्वारा सम्पादित जनसरोकारका काम कारबाहीलाई यथार्थ तथा तथ्यगत रूपमा सञ्चार माध्यमहरूमा सम्प्रेषण गर्नका लागि प्रहरी नायव महानिरीक्षक विनोद घिमिरेलाई केन्द्रीय प्रहरी प्रवक्ता तोकिएको उक्त सचिवालयले बिहीबार जनाएको छ।
साथै, सोही सचिवालयका प्रहरी वरिष्ठ उपरीक्षक रमेश थापालाई सह प्रहरी प्रवक्ता तथा सूचना अधिकारी तोकिएको सचिवालयले जनाएको छ।























