मुख्य समाचार, समाचार, सुदुरपश्चिम प्रदेश
विद्यालय भान्सा घर अध्यक्ष मल्लद्वारा शिलान्यास
बाजुरा , फागुन १३ । जिल्लाको पुर्वी क्षेत्रमा पर्ने हिमाली गाउँपालिका – ४ फैती शैलेश्वरी माध्यमिक विद्यालय दिवा खाजाका लागि भान्सा घर निर्माण शिलान्यास गरिएको छ । हिमाली गाउँपालिका अध्यक्ष गोबिन्द बहादुर मल्ल र आइ.डि.एस. नेपालका कार्यकारी निर्देशक प्रकाश कोइरालाद्वारा भान्सा घर शिलान्यास गरेका छन । विगत देखि दिवा खाजा खुवाउने गरेपनि पकाउने व्यवस्था नहुदा समस्या थियोे । अब भवन निर्माणकार्य सुरु हुँदा जुन पहिला समस्या हट्ने भएको हिमाली गाउँपालिका प्रवक्ता भिमानन्द पाण्डेले बताउनुभयो ।
उहाँले बताउनुभयो , “हिमाली गाउँपालिकामा आई.डि.एस. नेपाल संस्थाले थुप्रै काम गरेको छ । अहिले विद्यालय नयाँ काम भनेको कोसेली रूपमा पालिका सबै सामुदायिक विद्यालयमा भान्सा घर निर्माण गर्नका लागि शिलान्यास गरिएको छ । विद्यालयमा दिवा खाजा भनेको छ, त्यसको व्यवस्थापन गर्नका लागि भान्सा कोठा बनाउनका लागि खाजा पकाउने र पकाएको खुवाउनका निम्ति भान्सा घर निर्माणकार्य सुरु गरिएको छ ।” थप आवश्यक पर्ने कुनै समस्याहरु हामी पहल गर्ने कुरामा लागि पर्ने आई.डि.एस. नेपाल कार्यकारी निर्देशक प्रकाश कोइरालाले बताउनुभयो ।
उहाँले बताउनुभयो, “लामो प्रयास पछि हाम्रा विद्यालयमा भान्सा घर बनाउने काम जिल्ला भरीका स्थानीय तह मध्य पहिलो पालिका भएको छ । आई.डि.एस. नेपाल पहिला दुइटा नमुनाका रूपमा दिवा खाजा भवन निर्माण गर्ने प्रस्ताव थियोे । पछि पुनः संस्थालाई समन्वय गरेर अहिले बल्लबल्ल गाउँपालिका २२ वटा विद्यालयमा हिमाली गाउँपालिका प्रधानमन्त्री रोजगार कार्यक्रम र आई.डि.एस. नेपाल साझेदारी सामुदायिक विद्यालयमा भान्सा घर निर्माणकार्य थालनी गरेका छौँ ।” अहिले सहयोग गर्ने आई.डि.एस. नेपाल संस्थालाई धन्यवाद दिएका छन । जुन विद्यालयमा दिवा खाजा पकाउने घरको समस्या भएको थियोे, त्यो समस्याको समाधान हुने भएको छ । अब विद्यालयका विद्यार्थीहरुलाई दिवा खाजा पकाउने घर मात्र नभई खाजा खाने हल समेत भवन निर्माण गर्ने लागिएको हिमाली गाउँपालिका अध्यक्ष गोबिन्द बहादुर मल्लले बताउनुभयो ।
उहाँले बताउनुभयो , “पालिकाका २२ वटा विद्यालय दिवा खाजाको लागि भान्सा घर निर्माणका लागी सम्झौता गर्ने प्रक्रिया अगाडि बढाइएको छ । आज शैलेश्वरी माध्यमिक विद्यालय फैतिमा भान्सा घर शिलान्यास गरेका छन । आई.डि.एस. नेपाल सरिया, सिमेन्ट, जस्तापाता सहित ढोका बनाउने भौतिक सामाग्री सहयोग गर्ने भएको छ ।” भने हिमाली गाउँपालिकाले बालुवा, गिट्टी र काठ सहयोग गर्ने र प्रधानमन्त्री रोजगार कार्यक्रम अन्तर्गत दिवा खाजाको लागि भान्सा घर बनाउदा कामदारको पारिश्रमिक तथा दैनिक काम गरेको ज्याला दिने गरि सम्झौता पत्र गरिएको रोजगार संयोजक विर्ख राज पाण्डेले बताउनुभयो ।
यदि काम गर्दा रकम अपुग भएको अवस्थामा हिमाली गाउँपालिकाले प्रधानमन्त्री रोजगार कार्यक्रम अन्तर्गत कामदारले पाउने ज्याला अनुसार पालिकाबाट सहयोग समेत हुनेभएको छ । प्रधानमन्त्री रोजगार कार्यक्रम ४५ लाख बराबरको रकम र आई.डि.एस. नेपाल ८० लाख लगानीमा पालिका भित्रका सामुदायिक विद्यालयमा भान्सा घर निर्माणकार्य सुरु गरिएको रोजगार संयोजक पाण्डेले बताउनुभयो । आई.डि.एस. नेपाल विद्यालय स्वास्थ्य पोषण कार्यक्रम हिमाली गाउँपालिका प्राबिधिक सहयोगी तेज बहादुर शाहीले सहजीकरण गर्नुभएको छ ।
